Mzee Zahir Zorro alivyowakosha wakazi wa Mwanza

Mwanamuziki wa siku nyingi nchini kwenye muziki wa dansi na rhumba, Zahir Ally Zoro (pichani) usiku wa kuamkia Jumamosi aliwaburudisha vilivyo wakazi wa Jiji la Mwanza baada ya kufanya shoo kali katika Ukumbi wa Kilimanjaro Hotel, Nyegezi.

Ilikuwa ni shoo yake ya kwanza kwa mwaka huu 2016 ambapo wapenzi wa muziki wa dansi na rhumba walivutiwa na burudani iliyotolewa na Zorro hasa baada ya kuimba live wimbo uitwao “Beatrice” ambao ni wimbo uliofanya vizuri sana wakati anauachia akiwa na bendi yake ya Mass Media.

Burudani kutoka kwa Zahir Ally Zorro ikiendelea.

JJ Band kutoka Jijini Mwanza, pia walifanya shoo kali katika kumsindikiza Zahir Ally Zorro.

Ilikuwa Shoo kali sana ikizingatiwa kwamba wakazi wa Jiji la Mwanza huwa wanaumiss muziki wa dansi/rhumba.

Twiga Band kutoka Jijini Mwanza pia walimsindikiza Mzee Zahir Ally Zorro ambapo walifanya shoo nzuri na hivyo kuonyesha kwamba kwa siku za hivi karibuni Mwanza kutakuwa na bendi nzuri.

Zahir Ally Zorro (kushoto) akiwa katika mahojiano baada ya shoo. Anasema alifarijika sana baada ya wakazi wa Jiji la Mwanza kufurahia burudani yake jukwaani ambapo alisisitiza zaidi media za Mwanza kusupport muziki wa dansi ili kuurudisha kwenye chat.

Zahir Ally Zorro (kushoto) akizungumza na Slyvester Joseph kutoka BMG na Afya Radio ya Jijini Mwanza.

Zahir Ally Zorro akiwa na bango la 102.5 Lake Fm Mwanza.

Mkurugenzi wa Kilimanjaro Hotel, Joseph Chuwa, akizungumzia shoo ya Zahir Ally Zorro ambapo anasema Mwanza huwa wanamiss muziki wa dansi hivyo atahakikisha mara kwa mara anawaletea wanamuziki hao ili kuwaburudisha wana Mwanza na kuongeza kwamba pia leo Jumapili kutakuwa na Family Bonanza ambapo JJ Band, Twiga Band pamoja na Zahir Ally Zoro watatoa burudani.

Slyvester Joseph kutoka BMG & Afya Radio (kushoto) akifanya mahojiano na Alphonce Tonny Kapela (kulia) kutoka Metro Fm Mwanza kuhusiana na muziki wa dansi pamoja na shoo ya Zahir Ally Zorro.

Credit:Slyvester Joseph @BMG