Lulu Michael Afunguka Baada ya Mtu Kumzushia Kuwa Alihusika Kusababisha Ajali iliyotokea Jana..' Adai Mungu Atawalipa'

Wengi wamefurahia ushindi wa Waigizaji wa Tanzania Lulu pamoja na Richie kwenye tuzo za Africa Magic Viewer’s Choice Awards 2016 na sasa tumeendelea kushuhudia comments na post mbalimbali kwenye mitandao ya kijamii baada ya ushindi huo ambapo uhuru ambao kila mmoja anao kuandika chochote kwenye mitandao hii unaweza kufikia kukwaza watu wengine

Lulu ambaye alishinda tuzo ya Movie bora Afrika Mashariki kupitia movie yake ya ‘Mapenzi’ alihuzunishwa na post moja iliyoandikwa kwenye mtandao wa Instagram ikisema >>> ‘Jamani umbea mtamu khaaaa, yani umbea mtamu kama kuku jamani, bwana leo kuna mtu kanifata DM kanipa Umbea na mimi sitaki kuongeza chumvi‘

‘Haya soma mwenyewe, mambo Duller? naomba unifiche jina langu, ni kweli kabisa Lulu anahusika na ajali iliyotokea jana watu wakafa wengi, mimi nipo Nigeria, alimuomba rafiki yangu Mnigeria ampeleke kwa mganga mkubwa hata wa kitoa kafara yeye atafanya, kwa mganga akaambiwa aongee yote chini ya mti na dawa akapewa ya kutupa njia panda yoyote usiku wa manane‘

Ajali iliyotokea Dar es salaam

‘Haya nimeambiwa na Mnigeria ambaye kampeleka ambaye ni Bwanaangu, sasa jana baada ya kumuonyesha picha ya ajali iliyotokea akasema sawa kabisa huyo ni Lulu sababu aliambiwa asipitishe siku mbili majini hayatakaa Tanzania zaidi ya siku mbili‘

Baada ya Lulu kuiona hii post aliichukua kama ilivyo na kuiweka kwenye page yake ya Instagram na kuandika yafuatayo… ‘Jamani mpaka sasa hivi mshaongea vitu vingi sana na nimekaa kimya, okay kwa hili siwezi kujua ni watu kiasi gani wataamini na wengine hawataamini, kilichonifanya nipate tuzo au mafanikio ni Mungu, juhudi zangu pamoja na watu walionipigia kura‘

‘Sijawahi na wala sina fikra za kutumia nguvu yoyote ya ziada kupata mafanikio, kama mnahisi maneno na uongo vinaweza kunirudisha nyuma kwa hali yoyote nawaombeeni muishi maisha mengi muone Mungu anavyozidi kuniinua, wewe uliyepost na huyo aliyekutumia msg sibishani na nyie ila imani yangu ntaongea na Mungu wangu tu, mtajutia mlichokifanya hata kama ikiwa baada ya miaka 50 mana najua Mungu anajibu kwa wakati‘

Chanzo:Millard Ayo